Umpasa Di Na Laho Marsirang

Umpasa ini biasanya diucapkan ketika acara perpisahan (Marsirang) atau kadang di penutupan acara-acara tertentu.

Mangerbang bungabunga, ditiur ni mata ni ari
Selamat jalan ma dihamuna, selamat tinggal ma di hami

Pidong sitapitapi, habang diatas hauma
Horas ma hamu na hupaborhat hami
Horas hami na tininggalhonmuna

Dolok ni Panampahan, tondongkon ni Tarabunga
Sai horas ma hamu dipardalanan songoni dung sahat tu inganan muna

Tombak ni Sipinggan di dolok ni Sitapongan
Di dia pe hita tinggal, sai tong ma hita masihaholongan

Eme sitambatua parlinggoman ni siborok
Amanta Debata do silehon tua, sai luhutna ma hita diparorot

Read More

Umpasa Ditingki Mangapuli

Kegiatan Mangapuli dalam adat batak adalah memberikan penghiburan kepada keluarga yang sedang berduka cita. Hanya saja Mangapuli tidak dilakukan secara asal-asal, semua ada prosedurnya dan prosedur ini erat hubunganya  dengan adat Batak Toba. Kita dan Pihak Keluarga datang membawa makanan, minuman untuk dimakan bersama-sama di rumah duka. Keluarga yang berduka sama sekali tidak direpotkan dengan makanan namun cukup menyediakan piring-piring, dan air putih saja.

Ramba ni Sipoholon marduhutduhut sitata
Las ni roha dohot sitaonon sude do i sian Amanta DebataAsa
Hau ni Gunungtua, dangkana madaguldagul
Tibu ma dilehon Tuhanta dihamu tua, jala tibu hamu diapulapul

Poltak bulan tula, binsar ia mata ni ari
Tibu ma ro tu hamu soritua, singkat ni sori ni ari

Hotang binebebebe, hotang pinilospulos
Unang iba mandele, ai godang do tudostudos

Hotang benebebebe, hotang ni Siringkiron
Unang iba mandele, ai godang dope sihirimon

Dolok ni Simalungun ma tu dolok ni simamora
Sai salpu ma angka na lungun, hatop ma ro silas ni roh

Read More

Umpasa Mangampu sian Hula-Hula

Umpasa Mangampu biasanya diucapkan di rentetan terakhir. Umpasa ini diucapkan oleh pihak yang sudah menerima ulos atau pihak yang sudah menerima semua poda (kata petuah)

Songgop si Ruba-ruba tu dakka ni Hapadan
Angka pasu-pasu na ni lehon muna
Sai dijangkon tondi ma dohot badan

Mardakka Jabi-jabi, marbulung ia si Tulan
Angka pasu-pasu na pinasahat muna
Sai sude mai dipasaut Tuhan.
 

Bulung ni Taen tu bulung ni Tulan
Ba molo tarbahen, sai topot hamu hami sahali sabulan
Molo so boi bulung ni tulan, pinomat bulung ni salaon
Ba molo so boi sahali sabulan, pinomat sahali sataon

Ni durung si Tuma laos dapot Pora-pora.
Molo mamasu-masu hula-hula mangido sian Tuhan
Napogos hian iba, boi do gabe mamora.

Naung sampulu sada, jumadi sampulu tolu
Angka pasu-pasu pinasahat muna
Sai anggiatma padenggan ngolu-ngolu

Naung sapulu pitu, jumadi sapulu ualu
Angka pasu-pasu pinasat muna hula-hula nami
Diampu hami ma di tonga jabu.

Turtu ninna anduhur, tio ninna lote,
Angka pasu-pasu pinasahat muna,
Sai unang ma muba, unang mose

Habang pidong sibigo, paihut-ihut bulan,
Saluhut angka na tapangido, sai tibu ma dipasaut Tuhan

Obuk do jambulan, nidandan ni boru Samara
Pasu-pasu na mardongan tangiang sian hula-hula
Mambahen marsundut-sundut soada mara

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami
Sai horas ma nang hamu hula-hula

Suman tu aek natio do hamu

riong-riong di pinggan pasu
Hula-hula nabasa do hamu, na girgir mamasu-masu

Read More

Umpasa ditikki Tingkir Tangga

Tubu ma singkoru, ditoru ni tandiang
Asa denggan na marhulaboru, ingkon masitopotan do songon pidong liang
Lam denggan ma ngolungolu, jala mokmohan na marniang

Sinuan lata ni sabri, di ladang ni sitapongan
lobi sataon do sadari, molo so niida na hinaholongan

Sitolmok do i ulaning manang na pusuk ni tandiang
Hipas do nasida ulaning, manang na marniangniang

Inggiringgir di pulopulo, parasaran ni satua
Tongkin pinatingkir do nasida tongkin pinadulo, atika boa manang marhua

Nidurung ma situma laos dapot porapora
Molo masmasuma hulahula, na pogos hian iba boi do gabe mamora

Sisada urdat ma hamu, sisada tortoran
Sisada tahi ma hamu, sisda oloan
Sai ansimun sisada holbung ma hamu, tu pege na sangkarimpang
Rap manimbung i atu toru, rap mangankat ia tu ginjang

Giringgiring ma gostagosta
Sai tibu ma hamu mangiringiring, tibu mangompaompa

Emi pinaiarpiar, na jinomur di pardegean
Sai tubu ma dihamu angka anak na pistar, dohot angka boru na boi pangunsandean

Mardangka jabijabi, marbulung ma situlan
Sude angka pasupasunami, sai dipasut Tuhan

Read More

Umpasa Ditikki Ulaon Tardidi

Tardidi atau Baptis dalam agama Kristen memiliki makna tersendiri menurut adat Batak. Baptis/Tardidi dalam kegiatan gereja merupakan hal yang wajib dan setelah kegiatan dari gereja terlaksana, pihak keluarga yang anaknya baru saja dibaptis mengadakan acara di rumahnya sebagai bentuk ucapan syukur dan sukacita di hadapan seluruh keluarga terdekatnya.

Tubu ma tambinsu di dolok ni Pangaribuan,
Sai anak nabiusk ma ibana,anak na gabe si pajoloon.

Dangka ni hariara ma ni pangait-aithon
Simbur ma ibana mangodang, sitongka panahit-nahiton.

Horbo ni Sibuluan manjampal di balian

Sai dapot ma angka naniluluan, sai tiur ma nang pansarian

Habang ambaroba di atas ni Sibuntuon 

Sai burju ma ibana marroha, gabe jolma si tiruon

Dolok ni Hutanauli hatubuan ni si marlasuna

Goar nauli ma goarna i, donganna gabe jala mamora.

Eme sitamba tua parlinggoman ni siborok,
Sai dilehon Debata ma di ibana tua, imbur magodang diparorot.

Read More

Umpasa Di Tikki Mamongoti Jabu (memasuki Rumah Baru)

Orang Batak Toba tidak terkenal kental dengan adatnya. Disetiap kegiatan atau acara-acara yang ada di orang Batak tidak terlepas dengan umpasa. Bahkan untuk memasuki rumah baru, harus ada acara adatnya.

Berikut ini umpasa yang sering ada pada acara adat mamongoti jabu (memasuki rumah baru)

Tubu ma salaon di topi ambar Sihoruhoru
Jabu na uli ma jabuntaon, hatubuan ni anak dohot boru

Mardangka bulung bira, martampuk bulung labu
Mauliate ma di Tuhanta ai nungnga tipak hamu marjabu

Tubu ma simarlasuna, lata ni tobu di holangholangna
Sai hot ma jabunta on di batuna jala togu di hajongjonganna

Marmutik ma tabutabu dompak mata ni ari
Gok ma jolma di jabu jala gok ma uang di lamari

Panggu do panggisgis, pangko ni bagot bahen hauna
Jabunta on ma na so ra tiris, huhut na togu di batuna
Duru ni hauma panuanan ni sanggesangge
Sahat ma hamu saurmatua mangingani jabunta on huhut horas jala gabe

Andor ras ma tu andor ris tu andor ni Purbatua
Sai horas ma hamu sai torkis mangingani jabunta on, gabe jala saurmatua

Read More

Umpasa di Na Pasahatton Ulos Pansamot

Ulos Pansamot adalah ulos yang disampaikan pihak parboru (keluarga mempelai wanita) kepada orang tua dari hela (menantu laki-laki)

Dolok ni Purbatua jonok tu si borotan
Sai sahat ma hamu saur-matua, tiur di pansamotan

Andor halumpang ma togu-togu ni lombu, andor hatiti togu-togu ni horbo
Sai ganjang ma umurmu pairing-iring pahompu sahat ma tu na marnini marnono.

Bona ni Aek Puli di Dolok Sitapongan
Sai ro ma tu hamu angka nauli, jala sai dor nang pansamotan.

Binanga ni Sihombing binokkak ni Tarabunga, tu sanggar ma amporik tu lubang ma satua,
Sinur ma pinahanmuna, gabe na niulamu dipasu-pasu Tuhanta.

Eme sitamba tua parlinggoman ni siborok,
Amanta Debata do si lehon tua, luhut ma hamu diparorot.

Sahat solu sahat tu Tigaras,
Leleng hamu mangolu, gabe jala horas.

Marmutik ma lasiak dompak mata ni ari,
Manganju ma hamu di borungku parumaenmi, arian dohot botari.

Hariara ma bonana, hariara ma nang bulungna,
Gabe jala horas hula-hulana, songon i nang pamoruonna.

Read More

Umpasa di Na Pasahatton Ulos Hela

Biasanya umpama ini harus disampaikan dengan jumlah ganjil; mis: satu, tiga, lima, tujuh dst..

Contoh:

Bintang na rimiris ma, tu ombun na sumorop 

Asa anak pe antong di hamu riris, boru pe antong torop

Tubuan laklak ma, tubuan sikkoru di dolok ni Purbatua 

Sai tubuan anak, tubuan boru ma hamu, donganmu sarimatua

Pir ma pongki, bahul-bahul pansalongan 

Sai pir ma tondimuna, jala tongtong hamu masihaholongan

Pinantik hujur tu jolo ni tapian
Tudia pe hamu mangalaka, sai tusi ma dapotan akka parsaulian 

Pangkat-hotang.

Tu dia hamu mangalangka, tusi ma dapot pangomoan

Tangki jala hualang, garinggang jala garege
Tubuan anak ma hamu, partahi jala ulubalang
Tubuan boru par-mas jala pareme.

Tubu ma hariara, di tonga-tonga ni huta
Sai tubu ma anak dohot borumu

Tubu ma tambinsu di toru ni pinasa
Tubu ma di hamu anak nabisuk dohot boru nauli basa.

Di ginjang ma ia arirang di toru panggonggonan
Badanmuna ma na sora sirang, tondimuna masigomgoman.

Read More

Umpasa di Na Pasahatton Ulos Pamarai

Read More