Asa denggan na marhulaboru, ingkon masitopotan do songon pidong liang
Lam denggan ma ngolungolu, jala mokmohan na marniang
Sinuan lata ni sabri, di ladang ni sitapongan
lobi sataon do sadari, molo so niida na hinaholongan
Sitolmok do i ulaning manang na pusuk ni tandiang
Hipas do nasida ulaning, manang na marniangniang
Inggiringgir di pulopulo, parasaran ni satua
Tongkin pinatingkir do nasida tongkin pinadulo, atika boa manang marhua
Nidurung ma situma laos dapot porapora
Molo masmasuma hulahula, na pogos hian iba boi do gabe mamora
Sisada urdat ma hamu, sisada tortoran
Sisada tahi ma hamu, sisda oloan
Sai ansimun sisada holbung ma hamu, tu pege na sangkarimpang
Rap manimbung i atu toru, rap mangankat ia tu ginjang
Giringgiring ma gostagosta
Sai tibu ma hamu mangiringiring, tibu mangompaompa
Emi pinaiarpiar, na jinomur di pardegean
Sai tubu ma dihamu angka anak na pistar, dohot angka boru na boi pangunsandean
Mardangka jabijabi, marbulung ma situlan
Sude angka pasupasunami, sai dipasut Tuhan
0 comments:
Post a Comment